شاهین: د ټول شموله حکومت جوړولو ته چمتو یو

د اسلامي امارت د سیاسي دفتر غړي او ویاند سهیل شاهین ویلي، دوی د پراخ بنسټه او ټولشموله حکومت جوړولو ته چمتو دي، خو ټینګار کوي چې په دې برخه کې د چا فرمایش نه شي منلی اونړیواله ټولنه باید د افغانانو غوښتنو ته درناوی ولري.

سهیل شاهین له الجزیرې تلویزیوني شبکې سره په مرکه کې ویلي، ټاکل شوې دوی پر همدې او ځینې نورو مهمو موضوعاتو له امریکایي پلاوي سره هم په دوحه کې خبرې وکړي، تر څو افغانستان له اوسني بحرانه وباسي.