اکبر اغا له نړیوالو غواړي،چې د امریکا د داسې حرکتوتونو مخه ونیسي او د پنځو لسیزو جګړو ځپلې افغانان دې نور د جګړې په اور کې نه سوزوي.
اکبر اغ زیاته کړه:« زه په سترګو دا وینم چې دغه پیسې به دوي له نوي نظام سره په مخالفت کې مصرفوي دوي دې دا پیسې په جنګ نه مصرفوي او افغانانو ته دې بل غم مه راوړي زه مطمین یم چې دغه خلک راولاړیږي چې دغه خلک دغه پیسې په بل جنګ مصروفوي.»
سید اکبر اغا وايي،د سپټمبر یولسمې پیښه کې هیڅ افغان ښکیل نه و او نه هم دا ثابته شوې، خو امریکا یې په ناحقه توګه د قربانیانو لپاره غرامت له افغانانو اخلي.
سید اکبراغا وايي:« په یولسم د دسپټمبر برید کې یو افغانی هم داخیل نه و او تر اوسه ثابته شوې هم نه ده او اوسامه بن لادن مو هم په پاکستان کې پیدا کړ او غرامت یې له بل چا څخه نه غواړې، له افغانانو یې غواړې. امریکا دې هم په همدې اندازه چې د سړي په سر یې څومره پیسې ګرځولي،همدومره دې افغانانو ته هم غرامت ورکړي،چې په تیرو شلو کلونو کې په لسګونه زره افغانان یې وژلي دي.»
