Skip to content
د سپینې ماڼۍ له لوري په خپره شوې خبرپاڼه کې ویل شوي، که اسلامي امارت غواړي،چې امریکا یې رسمیت وپیژني،نو باید د امریکا سمندري ځواک پخوانی تقاعد شوی،سرتیری مارک فریجرز چې اوس له دوی سره بندي دی راخوشوې دې کړي.
خبرپاڼه کې د ولسمشر جوبایډن له قوله ویل شوي،که اسلامي اماررت تمه لري چې د مشرویعت دترلاسه کولو په تړاو یې غور وشي،مارک فریریچز دې ازاد کړي او د نوموړي خوشې کول دمذاکرې وړ نه دي .
د سپینې ماڼۍ خبرپاڼې یوه خبره:«طالبانو ته مو په ښکاره ویلي،تر هغو چې یو امریکایي وګړی له دوی سره اسیر وي او خوشې یې نه کړي،هغه مشروعیت چې دوی یې غواړي امکان نه لري،ترلاسه یې کړي.»
اخوا د سیاسي چارو یو شمېر کارپوهان بیا په دې باور دي،چې امریکا خپل اصلي شرایط وخت او اړتیا ته په کتو وړاندې کوي او اوس د دغه امریکايي وګړي د خوشې کیدو غوښتنه هم د امریکا د هغه اصلي پالیسۍ برخه ده،چې دافغانستان په تړاو یې لري.
دوی وايي، اوس د دې امکان زیات دی،چې نوی حکومت خپل نړیوال مشروعیت ترلاسه کړي.
د سیاسي چارو کارپوه عزیز معارج وايي:« دا یوه جوته خبره ده،چې د امریکا له لوري چې طالبانو ته کوم شرایط وضع شوي دي پلې او فشارونه دي او وخت ته انتظار و،چې وخت یې راورسیږي او خپل شرایط پرې ومني. اوس چې امریکا وايي مارک فریریجرز راخوشې شي ،موږ طالبان په رسمیت وپیژنو. مانا دا چې وخت یې رارسیدلی دی او ممکن طالبان پر رسمیت وپیژني.»
ځینې نور په دې اند دي،چې اوس په افغانستان کې جګړه پای ته رسیدلې او که دغه امریکايي وګړی په افغانستان کې بندي وي،نو باید د هېواد لوړو نړیوالو مقاصدو لپاره خوشې شي.
د سیاسي چارو کارپوه طارق فرهادي وايي:« په افغانستان کې جګړه پای ته رسیدلې او که دغه امریکايي کس په افغانستان کې اسیر وي،باید ژر خوشې شي او په امریکا کې بایډن هم اړتیا لري،چې خپل سیال اوشریک ته وښي چې په افغانستان کې یې خبره منل کیږي.»
اسلامي امارت بیا تراوسه پورې په دې تړاو په رسمي توګه څه نه دي ویلي،چې د مارک فریجرز په نوم امریکايي وګړی له دوی سره بندي دی او که نه.
د راپورونو پر اساس مارک فریجرز چې یو متقاعد امریکايي نظامي دی،دوه کاله وړاندې ۲۰۲۰ کال دجنورۍ پر ۳۱ په افغانستان کې تری تم شوی،چې اوس یې امریکا داسې انګیري،چې ګني له اسلامي امارت سره بندي دی او دا لومړی ځل دی، چې امریکا د افغانستان د نوي نظام رسمیت پیژندنې لپاره دغه ډول څرګندونې کوي او شرایط وړاندې کوي.
