سټولټنبرګ: افغانستان کې د بشري وضیعت په اړه اندېښمن یو 

د ناټو سرمنشي ینس سټولټنبرګ ویلي، ژمی راروان دی او  په ا فغانستان کې ګڼ خلک له بد وضعیت سره مخامخ دي،چې په وینا یې دوی یې اندېښمن کړي دي.

سټولټنبرګ د ناټو غړو هېوادونو د مرستو هرکلی کړی،چې د ملګرو ملتونو او یا نورو بنسټونو له لارې افغانستان سره د مرستې کولو اراده لري.

 هغه له  افغانستان سره د ناټو غړو هېوادونو مرسته مهمه بللې،چې په خبره یې دا یې له افغانستان سره ژمنتیا ښیې.

سټولټنبرګ ویلي، سیمه کې ننګونې شته،چې مهمه یې د افغانستان راتلونکی دی.