سوریه کې په تیرو لسو ورځو کې له سلو زیات ملکيان وژل شوي دي.
د ملګرو ملتونو وروستی راپور وايي، په دغو لسو ورځو کې ۱۰۳ کسان وژل شوي او ډیر ښوونځي او روغتونونه په نښه شوي دي.
د یو بل راپور له مخې د دغو بریدونو له امله څلور سوه زره کسان بې ځایه شوي دي.
د بشر حقونو چارواکي وايي، په وژل شويو کې ۲۶ تنه یې ماشومان دي.
ملګري ملتونه وايي، د روانې جګړې او پر ایدلیب ښار بریدونو کې له نوي سلنې زیات قربانیان ولسي خلک دي.
د سوریې حکومت بیا ادعا لري چې ډیر بریدونه یې د وسله والو پر سیمو دي او ګڼ شمیر وژل شوي کسان هم د حکومت مخالفین دي.
