د سوریې په ایدلیب کې چاودنې ګڼ کسانو ته مرګ ژوبله اړولې ده.
په دغه چاودنه کې چې په یوه موټر کې شوې ده لږ تر لږه پنځه تنه وژل شوي او لسګونه نور ټپیان دي.
ویل کیږي چې د ایدلیب دغه سیمه د ترکیې سرحد ته نږدې ده.
راپورونه وايي دغه سیمه د ترکیې د ملاتړې اپوزیسون ډلې له لوري کنټرولیږي.
اخوا د بشري حقونو ځینې څار ډلې وايي چې برید کې ۷ تنه وژل شوي او له ۶۰ زیات ټپیان دي.
ځینې ترکي رسنۍ بیا د ټپیانو شمیر ۸۵ یادوي او زیاتوي چې په ټپیانو کې د یو شمیر وضعیت ډیر د اندیښنې وړ دی.
ایدلیب هغه ښار دی چې اوس هم تر ډیره د وسله والو او حکومتي ځواکونو د جګړې مرکز دی او ډیری قرباني یې ملکي وګړي او عامه ځایونه دي.
