د مشرانو جرګې غړي د حکیمي شجاعي د نیولو غوښتنه کوي.
سناتوران وایي٬ شجاعي په اروزګان ولایت د خلکو په کورونو تجاوز کړی٬ او اوس د یو شمیر لوړپوړو کسانو له لورې يې ملاتړ کیږي.
شنونکي بیا په حکومت باندې نیوکه کوي٬ چې هرڅه د مصحلت په اساس باندې کوي٬ او نه غواړي چې حکیم شجاعي محکمې ته کش کړي.
حکیم شجاعي هغه مجرم دی٬ چې پنځه کاله وړاندې حکومت د هغه د نیولو پریکړه کړې وه٬ خو لا یې هم په هغه ولایت کې پر ضد شکایتونه موجو دي.
دوه شنبه داسې راپوټونه خپاره شول چې ګنې یوځل بیا یې د ملکي وګړو پر کورونو برید کړی، چې په نښته کې شجاعي ټپي او مرستیال یې وژل شوی دی.
سناتوران وایي٬ حکیم شجاعي په بامیانو ولایت کې دی٬ او هلته يې درملنه روانه ده٬ چې د یو شمیر لوړپوړو کسانو له لورې يې ملاتړ کیږي.
شنونکي په دې باور دي٬ چې حکومت د زورواکو او جنګسالارانو ملاتړی دی٬ او نشي کولای د حکیم شجاعي په څير کسان ونیسي.
حکيم شجاعي د غزني ولايت اوسيدونکی دی او په خاص ارزګان ولسوالۍ کې د سیمه ییزو پولیسو قومندان دی.
پر شجاعي د ۱۲۱ کسانو د وژلو سربیره د خلکو د کورونو سوځولو، زورولو او شکنجه کولو تورونه دي.
کورنیو چارو وزارت بیا په دې اړه له څه ویلو ډډه کوي.
