سمنګانی: له ترهګرۍ سره د مبارزې لپاره پوره ځواک او کافي امکانات لرو 

د افغانستان  اسلامي امارت مرستیال ویاند انعام الله سمنګاني ویلي، دوی د ترهګرو ډلو  او  په ځانګړې توګه د داعش ډلې د ځپلو برخه کې بریالي دي او تر اوسه په دې برخه کې له هیڅ ستونزې سره نه دي مخ شوي.

سمنګاني زیاته کړې، وروستۍ چاودنې د داعش ډلې د کمزوري کېدو په مانا دي او په خبره یې د وروستیو بریدونو عاملین په بلخ او ننګرهار ولایتونو کې نیول شوي او یا هم له منځه وړل شوي دي.

دا څرګندونې داسې مهال کېږي،چې د تېرې دوشنبې په ورځ د ایران د بهرنیو چارو وزارت وویل، دوی له ترهګرۍ سره د مبارزې په برخه کې د افغان حکومت بشپړ ملاتړ او هر اړخیزې همکارۍ ته چمتو دي.