اخوا هغه کاریګر،چې اوس هم په سعودي عربستان کې میشت دي وايي، د پاسپورټونو موده یې پوره شوې،خو نوي حکومت ورته د پاسپورټونو د تمدید اسانتیا نه ده برابره کړې.
بل پلو د اسلامي امارات مسولین هم سعوديعربستان کې د مېشتو افغان مسافرو او کاریګرو ستونزې مني،خو ډاډ ورکوي،چې د حل لپاره یې هڅې پيل کړي دي.
د اسلامي امارت مرستیال ویاند احمد الله وثیق وايي:« د سعودي عربستان له چارواکو سره اړېکې نیول شوې دي. هغوی هم دې ته لېوالتیا ښوولې ده،چې په لنډ وخت کې هغوی دلته سفارت پرانېزي. له دې سره به خپل کونسلي چارې،چې هغه د وېزې او پاسپورت او ځنې نور مسایل دي، ورسره به حل شي. اوس اریانا، کام ایر شرکت او ځنو نورو له کابله جدې ته او له جدې یې کابل ته الوتنې پيل کړي دي. دا ستونزه به ژره هواره شي.»
سعودي عربستان کې اوس هم لسګونه زره افغان کاریګر شته دی،چې له هغه ځایه خپلې کورنې ساتي او ګڼ یې د شاقه کارونو تر څنګ په سوداګرۍ بوخت دي.
نوي حکومت له سعودي چارواکو سره هم د کاریګرو په ستونزو خبرې پيل کړي او د حل ډاډ یې ورکړی دی.
