Skip to content
په افغانستان کې د ملګرو ملتونو د بشري حقونو د وضعیت ځانګړي راپور ورکوونکي ریچارډ بنیټ ويلي،د افغانانو د بشري حقونو خوندیتوب ته دې جدي پام وشي.
بنټ په افغانستان کې وروستیو پېښو ته په اشارې ویلي، په دې اړه به خپلو څېړنو ته دوام ورکړي.
ریچارډ بنیټ پر خپله ټویټر پاڼه ليکلي، په افغانستان کې د تېرې اوونۍ پېښو له قربانیانو سره ولاړ دي او په دې اړه خپلو څېړنو ته دوام ورکوي.
نوموړي زیاته کړې،چې د افغانانو بشري حقونه بايد خوندي شي او په نړيواله کچه تضمين شوی عدالت بايد تامين شي.
تر دې وړاندې د بشري حقونو د څار سازمان هم ويلي ول،چې افغانستان کې ملکي وګړي د ترهګرۍ له جدي ګواښ سره مخ دي او دا باید جدي وګڼل شي.
