د روسیې امنیت شورا سلا کار نیکولای پتروشیو ویلي، افغانستان په بحراني وضعیت کې دی او که اسلامي امارت ورته مناسبه حل لاره ونه مومي، دا بحران به د کورنۍ جګړې لامل شي.
پيتروشیو زیاته کړې:«که په افغانستان کې نظامي،سیاسي،ټولنیز او اقتصادي وضعیت همداشان غیرعادي روان وي. که په کابل کې نوی حکومت د وضعیت په نورمال کولو کې ناکام شي او نړیوال د افغانانو اغیزناکه ملاتړ ونه کړي،نو دا سناریو به له ناورین ډکه وي، کورنۍ جګړې ته به زمینه برابره شي، وچکالي او بې وزلي به اوج ته ورسیږي.»
د سیاسي چارو تحلیل کوونکي بیا وايي، افغانستان په سخت حالت کي دی،اسلامي امارت دي په اقتصادي اونورو برخو کي جدي ګامونه پورته کړي،ترڅو د نړیوالو قناعت ترلاسه کړي او له دا ډول څرګندونودې ډډه وشي.
تحلیل کوونکی ثناء الله مخلص وايي:« ستونزې په اسلامي امارت کې دي. کوټلي ګامونه دې واخلي،ترڅو د اقتصادي بحران مخه ونیول شي،د سیمي له هېوادونو سره دې خبري وکړي، افغانستان نور د کورني جګړې توان نه لري.»
ځیني نور بیا له اسلامي امارته غواړي،چي له نړیوالو سره دي تعامل وکړي،ترڅو د افغانستان ګاونډي هېوادونه د افغانستان په تړاو مثبت نظر ورکړي.
