روسیه په تمه ده که افغان حکومت ورسره ومني، د سولې په تړاو بله غونډه جوړوي.
د افغانستان لپاره د روسیې ځانګړی استازی ضمير کابلوف وايي طالبان تیار دي، چې د افغان سولې په تړاو د مسکو په راتلونکې ناسته کې ګډون وکړي.
د افغان سولې په تړاو غونډه، چې د طالبانو په ګډون د سيمې د یوشمېر هېوادونو استازو هم پکې ګډون کړی و د روسيې په کوربه توب د نومبر په ۹ نېټه مسکو کې تر سره شوه.
د افغان سولې په تړاو دویمه غونډه که جوړیږي، روسیه وایي، طالبان چمتو دي چې ګډون پکې وکړي.
مسکو له افغان حکومت غواړي ، په راتلونکې ناسته کې د سولې عالي شورا تر څنګ حکومتي پلاوی هم دغه هېواد ته ور ولېږي.
ضمير کابلوف له افغان حکومت غواړي د سولې عالي شورا تر څنګ یو حکومتي پلاوی هم د راتلونکي احتمالي غونډې لپاره واستوي او دا چاره به د دواړو لورو ترمنځ مخامخ خبرو ته ښه زمینه برابره کړي.
افغانستان لپاره د روسیې ځانګړي استازي ضمير کابلوف داسې ویلي ((مسکو له افغان حکومت تمه لري ، چې د سولې عالي شورا تر څنګ یو حکومتي پلاوی راتلونکې ناستې ته واستوي.))
ضمير کابلوف وايي طالبان د مسکو راتلونکې ناستې ته سترګې په لار دي چې ونډه پکې واخلي.
کابلوف وايي افغان حکومت د طالبانو له استازو د مخامخ خبرو غوښتنه کوله؛ خو طالبان بیا افغان حکومت بې واکه بولي او خبرې يې ورسره رد کړې دي.
افغانستان لپاره د روسیې ځانګړي استازي ضمير کابلوف داسې ویلي (( افغان حکومت د مسکو د ناستې په څنډه کې له طالب استازو د مستقيمو خبرو غوښته کوله ؛ خو دا غوښتنه يې کاملا رد شوه.))
دا چې د کابلوف دې غوښتنې ته به د افغان حکومت ځواب څه وي هغه څه دي ، چې وخت به يې ځواب کړي.
