د تاجکستان امنیتي چارواکي وايي، له روسیې سره یې د افغانستان پولې ته څېرمه ګډ پوځي تمرینات پیل کړي دي.
دوی زیاتوي، چې په دې تمریناتو کې شااوخوا ۱۰۰۰ سرتېرو برخه اخېستې، چې ډېری یې تاجک دي.
د چارواکو په خبره، په دې تمریناتو کې هوایي او ځمکني ځواکونه برخه لري او په خبره یې تر ډېره د هوایي بریدونو په برخه کې پوځي تمرینات ترسره کېږي.
چارواکي وايي، دوی هڅه کوي،چې احتمالي ګواښونه پر وخت دفع کړي.
تر دې تمریناتو یوه ورځ وړاندې د روسیې ولسمشر ویلاديمیر پوتین ویلي وو،چې دوی د اړتیا په صورت کې له تاجکستان سره د امنیت په تامین کې همکاري کوي.
د تاجکستان ولسمشر له ولسمشر غني سره هم خبرې کړې وې او د دغې سیمې د امنیت په اړه یې خپلې اندېښنې ورسره شریکې کړې وې.
دواړو لورو له یو بل سره د همکارۍ ژمنه هم کړې وه.
