د ښارجوړونې وزارت تر ۲۰۲۰ کال پورې پنځه سوه زره کورونو ته د ملکیت سندونه ورکوي.
د هېواد لوی ښارونه چې، د داخلي بې ځایه شویو له امله په کې ورځ تر بلې ګڼه ګوڼه زیاتېږي او د ښار نظم او ښاري فرهنګ باندې یې اغیزې کړي، تازه د ښارجوړونې وزارت د یو سمپوزیم په څنډه کې، چې د ولسمشر په ګډون نړیوالو د ښارجوړوني متخصصینو هم په کې ګډون کړی و د کابل ښار سربیره د څلورو نورو لویو ښارونو لپاره په منظمه پراختیایي پلان وغېږدل.
ښارجوړوني وزارت تر ۲۰۲۰ کال پوري پنځه سوه زره کورونو ته د ملکیت سندونه ورکوي.
دا وزارت توانیدلی چې د څو ولایتونو ښارونو کې شل زره کسانو ته د کورونو رسمي سندونه ورکړي چې ورسره د کورنو ارزښت درې چنده لوړ شوي دي.
د وزارت د مالوماتو له مخې، تېرو څلور کلونو کې څلور میلیونه جریبه ځمکه له غاصبینو راګرځول شوې.
د ښارجوړونې سرپرست وزیر محمد جواد پیکار داسې وویل ((د ۲۰۱۹ کال تر پایه پورې پلان لرو چې ۱۵۰ زره کورنیو ته د ملکیت سندونه ورکړو، او همدا راز د ۲۰۲۰ ز کال تر پایه پورې پنځه سوه زره کورونو ته د ملکیت سندونه توضیح کړو.))
پیکار وايي د ښار جوړوني طرحو کې به د راتلونکي کال تر پایه دوه نیم میلیونه خلکو لپاره ۵ سوه زره د ملکیت سندونه ورکړل شي چې د خلکو ترمنځ د شخړو سربیره د فساد مخنیوی به هم وشي.
په وروستیو څلورو کلونو کې دولت شاوخوا ۴ میلیونه جریبه ځمکه له غاصبینو څخه راګرځولې او راتلونکو څو کلونو کې به ښارونو ته د منظم چوکاټ ترڅنګ بې ځایه شویو ته ځمکې هم ورکړل شي.
