ټاکل شوې د بین الافغاني ناستو بله هغه یې ازبکستان یا ناروې کې جوړه شي.
د بین الافغاني ناستو په دوام به بله ناسته د اګست په لومړیو کې د ازبکستان په سمرقند او یا د ناروې په اسلو کې جوړه شي.
دا ناستې له دې امله ګټورې بلل کېږي چې ګوندې د حکومت او طالبانو ترمنځ خبرو ته به لار سیخه کړي.
ناسته کې سیاسیون، حکومت او طالبان برخه اخلي.
افغان حکومت د سولې خبرو لپاره اوسمهال د یو نوي مرکچي پلاوي په ټاکلو بوخت دی.
په دې ناستو کې یوازې د نظر تبادله کېږي.
باور کېږي چې د دې ناستو په جوړېدو سره لار د طالبانو او حکومت ترمنځ خبرو ته سیخه شي.
اندونیزیا به هم د پاکستان او افغان دیني عالمانو د یوې ناستې کوربه وي.
د سولې او پرمختګ اسلامي حزب مشر حاجي دین محمد داسې وویل (( دا ناسته به د راتلونکې لپاره ډېره اغېزمنه وي او لار به پرانیزي چې طالبان او افغان حکومت مخامخ خبرو ته سره کیني.))
تر اوسه پورې خو د بین الافغاني ناستو ګټه داده چې نورو ناستو ته یې زمینه برابره کړې او د سولې خبرې یې روانې ساتلي دي، خو په دا ډول ناستو کې یوازې د برخوالو ترمنځ د نظر تبادله کېږي.
دا ناستې د طالبانو په خوښه جوړیږي او د غونډې برخوال به د رسمي ادرسونو استازولي نه کوي.
د خلاصون لارې شورا مشر سید اکبر اغا داسې وايي (( دا ټولې نظریاتي ناستې دي، چې طالبان د دوی نظر اوري او دوی ته خپل نظر وايي، او ددې ناستو ډېر طرف د طالبانو لخوا ټاکل کېږي.))
افغان حکومت د سولې خبرې په خپل مالکیت غواړي او دې خبرو لپاره اوس د یو مرکچي پلاوي په جوړېدو کار روان دی.
بهرنیو چارو وزارت د ناستو هرکلی کوي خو وایي چې ځای ناستی به د غونډو وروسته اعلان کړي.
له دې وراخوا د پاکستان ، افغانستان او اندونیزیا د دیني عالمانو ناسته به په اندونیزیا کې جوړه شي.
اندونیزیا تېرکال د افغان، پاکستاني علمانو د یوې ناستې کوربه و چې جګړه په کې ناروا اعلان شوه.
طالبانو هغه وخت ویلي وو، چې د دې ناستې برخوال دیني عالمان درباري دي او د دوی جګړه نه شي ننګولی.
