Skip to content
د افغانستان کانونو او پترولیم وزارت سرپرست وزیر شهاب الدین دلاور نن د « ۱۴۰۰ کال د مرغومې پر ۸ مه» د قطر له سفیر سره لېدنه کړې.
دلاور وايي، د قطر سفیر ډاډ ورکړی،چې هيواد يې غواړي په افغانستان کې د کانونو کېندنو په برخه کې پانګونه وکړي.
دلاور زیاته کړه:« دوی ته کافي معلومات ورکړل شول،چې د افغانستانکانونو په اړه،نو لېوالتېا یې ډېره زياته درلوده. دوی ژمنه وکړه،چې خپل تجاران به هڅوي،چې راشي او افغانستان کې پانګونه وکړي.»
دلاور وايي، په ټول هېواد کې يې د کانونو خپلسرو کېندنو مخنیوی کړی او له دې وروسته به کانونونه په قانوني ډول کېندل کېږي.
هغه زیاته کړه:« هغه زوراکۍ او ملک الطوايفۍ ختمې شوې. الحمدالله، په ټول افغانستان باندې ملي حاکميت قايم دی، نو اوس وخت کې لومړیتوب دا دی،چې د خپلسرو کېندنو مخنيوی وشي، د کانونو او هغه تر ډېره شوي هم دي او که کوم ځای کې څه خبره رامنځ ته شي،نو زموږ امنيتي ځواکونه ورځي او مخه يې نیسي.»
افغانستان کې دکانونو په برخه کې دپانګونې او کېندنې پروړاندې لویه ننګونه ناسم امنیتي وضعیت او جګړه وه،چې له بهرنیو کمپنیو سربېره ان کورنیو شرکتونو هم د کان کیېدنې برخه کې پانګونې ته زړهنه ښه کاوه،خو اوس مسوولین وايي،ډېری کورنیو شرکتونو سره په دې برخه کې قراردادونه شوي دي.
