د کابل پوهنتون دروازې یو ځل بیا د محصلینو پر مخ پرانېستل شوې 

له اوږده ځنډ وروسته د کابل پوهنتون دروازې یو ځل بیا نن  شنبه د « ۱۴۰۰ کال د کب پر ۷  مه» د هلکانو او نجونو پر مخ خلاصې شوې.

 د افغانستان اسلامي امارت له لوري په خپره شوې خبرپاڼه کې ویل شوي، د محصلینو لپاره دوه ټایمونه مشخص شوي، نجونې د سهار له لوري او ماسپښین به هلکان درسونو ته ورځي.

د راپورنو پر بنسټ، سږکال لږ توپیر سره د پوهنتون دروازې خلاصې او محصلین درسونو ته راستانه شوي دي، محصلین یې هرکلی کوي او خوشاله دي،چې بېرته خپلو درسونو ته ستانه شول.