کلېنیکي آزماېښتونو ثابته کړې چې د کرونا وبا ضد د چین نوی تولید شوی “یو ډوز” واکسین، کوم چې اوسمهال د واکسینو په کمپاین کې هم کارول کېږي، د کرونا سختې ناروغۍ په مخنیوي کې ۹۰ سلنه اغېزمن دی.
د دې واکسین د یو ډوز ستنې تطبیق دوه اوونۍ وروسته په رضاکارانو کې د واکسین اغېزمنتیا ۹۵،۴۷ سلنه ښودل شوې، او له ۲۸ ورځنۍ څارنې وروسته ثابته شوې چې د دې واکسین د اغېزمنتیا کچه ۹۰،۰۷ سلنه ده.
دا واکسین د “چېن وي” په نوم، د پوځي ساینسي اکاډمۍ او د درملو کانسینو بیولجېکس شرکت، ګډې ډلې جوړ کړی، چې د فبرورۍ پر ۲۵مه نېټه د چین د درملو ملي تولیدي ادارې د ځنې شرایطو پر اساس د بازار له پاره تایید کړی و.
دا واکسین چې اوسمهال له اتلس کلنۍ پورته کسانو ته تطبیق کېږي، د حرارت له دوه نه تر اتو درجو کې ساتل کېږي او له همدې امله په اسانۍ سره د انتقال وړ دي.
