د ځمکني ترانسپورټ د انسجام شورا نیوکه کوي،چې د ترانسپورټ وزارت بار وړونکو موټرو ته منظمې چوپړتیاوې نه شي وړاندې کولائ.
د یادې شورا غړو په یوه غونډ پر حکومت غږ وکړ٬چي اوسني د ترانسپورټ وزارت مسوولین دي له دندو لېري کړي، ځکه فساد ته یې زمینه برابره کړې او نه شي کولائ د بار وړونکو موټرو ستونزي هوارې کړي.
د ځمکني ترانسپورټ د انسجام شورا مشر طلامحمد اتمانزی وايي: « د اوسني ترانسپورټ مسوولین دې له دندو لېرې کړی شي، دوی د وزارت امتیازات خوري، خو چوپړتېاوې یې صفر دي. د افغانستان ولسمشر، لومړی مرستیال او د هېواد ټول وګړي پرې خبر دي. »
د ځمکني ترانسپورټ د انسجام شورا مرستیال محمد نبي افغان وايي: « د ترانسپورټ وزارت کې باید مسلکي کسان شتون لري، ترڅو زموږ غږ واوري او ستونزو ته مو رسېدنه وکړي.»
د یادې شورا مشر اتمانزی وايي، د مسافر وړونکو موټرو ۷۰ سلنه عواید هم د ترانسپورټ وزارت د کارکوونکو له لوري حیف او میل کیږي.
بل خوا ترانسپورټ وزارت بیا د ځمکني ترانسپورټ د انسجام شورا نیوکي بې ځایه ګني او دوي خپله د پیسو په غیري قانوني اخازیو تورنوي.
د یاد وزارت ویاند حکمت الله قوینج وايي: « په دې وروستیو کې د ځمکني ترانسپورټ انسجام په نوم شورا کې یو شمېر کسان راټول شوي، چې دوی په خپله غیر قانوني چارې ترسره کوي. »
وړاندې هم موټر چلونکو د هیواد په بیلابیلو ولایتونو کي شاوخوا پنځه ویشت ورځي کار بندیز وکړ، د دوی لویه نیوکه همداوه چې پولیس په لویو لارو کې ترې په غیر قانوني ډول پیسې اخلی.
