Skip to content
د پکتیا ټولګټو ریاست مشر عبدالمتین حماس له شمشاد له سره خبرو کې ویلي، سږنی ژمی یې د لارو پاکولو لپاره بشپړ چمتووالی نیولی او موټر چلوونکو ته ډاډ ورکوي، چې لارې به نه بندېږي.
حماس وايي، سږکال یې کوم شرکت سره له واورو د لویو لارو پاکولو قرارد اد نه دی کړی او په خبره یې دغه چارې دوی پرخپله پرمخ وړي.
حماس زیاته کړه:« موږ د واورې پاکولو لپاره له کوم شرکت سره سږ کال کوم قرارداد نه دی کړی او پریکړه مو کړې ده،چې دغه چاره په شته امکاناتو په خپله ترسره کوو.»
حماس زیاتوي،تېرو کلونو کې به ملیونونه افغانۍ شخصي جیبونو ته تلې،لارې به بندې وې او د همدې فساد له کبله یې له کوم شرکت سره قرارداد ونه کړ.
حماس زیاتوي:« د قرارداد نه ورکولو یو لامل فساد دی،مخکې به میلیونونه افغانۍ شخصي جیبونو ته تلې او لارې به بندې وې. د همدې فساد له امله مو له چا سره قرارداد ونه کړ.»
حماس وايي، پر شته امکاناتو یې له واورو د لویو لارو پاکولو لپاره بشپړ چمتووالی نیولی او موټر چلوونکي دې د واورو د ورښت پر مهال د لارو بندیدو په اړه اندیښنه نه کوي.
هغه زیاته کړه:« موږ د واورو پاکولو لپاره بشپړ چمتووالی لرو،د واورو او ماشینونو په برخه کې هېڅ ستونزه نه شته دی او خلک دې د لارو بندیدو په اړه اندیښنه نه کوي.»
د هېواد پر کچه مشهور د تېرې او سټو کنډوونه پکتیا کې موقعیت لري،چې هر کال یې د واورو وریدو پر مهال د بندیدو خبرونه خپریږي،خو ټوولګټو چارو ریاست ډاډ ورکوي،چې ټولې لویې لارې به د ترافیکو پر مخ پرانېستې وي.
