د دوی په خبره،چې ډېری موټر تر ګردیزه زیات وزن راوړي او له کبله یې سړک خراب شوی دی.
د پکتیا یو تن اوسېدونکی وايي:« په پټان کې موږ ترازو نه لرو. مرکز ترازو شته ده. که بار وړونکو موټرو کې وزن زیات وي، له امله سړکونه خراب کېږي. له اسلامي امارته مو غوښتنه دا ده،چې د باروړونکو د زیات وزن لېږد مخنیوی وکړي.»
د پکتیا ولایت د اطلاعاتو او کولتور مشر خالقیار احمدزی بیا وايي،په دغه ولایت کې د بار وړونکو موټرو وزن کنټرول کیږي او پر وینا یې په دې اړه شوې ادعاوې بې بنسټه دي.
هغه زیاته کړه:«دا بې ځایه خبره ده،ځکه چې په پکتیا ولایت کې ترازو فعاله ده، د هر موټر وزن چک کېږي، بیا له هغې وروسته کمرګ کېږي او له قانوني لارو ګاونډي هېواد ته صادر کېږي.»
د پکتیا اوسېدونکي وایي، له یوې خوا سړکونه وروستیو سلابونو تخریب کړي او له بل لوري پرې د زیات وزن وړل یې د لا خرابیدو لامل ګرځي او مسوولین یې باید مخه ونیسي.
