د پوځله تعلیمي مرکز سلګونه بریدملان، افسران او سرتیري فارغ شول.
له هېواده بهر د افغان سولې په تړاو ګرم بحثونه، خو په کور دننه سخته جګړه روانه ده.
تازه کابل کې د ملي اردو له تعلیمي مرکز نږدې ۱۳ سوه ځواکونه له زده کړو فارغ او جګړې ته واستول شول.
مسؤلینو فارغ شويو ځواکونو ته سپارښتنه وکړه چې ملي یووالي ته ژمن اوسي او په ریښتینې توګه خلکو او خاورې ته خدمت وکړي.
تازه کابل کې د ملي اردو له تعلیمي مرکزه ۱۲۵۳ سرتیري او افسران فارغ شول چې هلمند، کندهار او فراه ته به واستول شول.
دا ځل په دې ډله کې ۱۰۴ تنه د رجال برجسته افسران هم فارغ شامل دي.
فارغ شوي سربازان، افسران او بریدملان وایي، پوهېدلي چې ګاونډیان او بهرنیان ورته هېواد نه جوړوي او نه هم دوی غواړي چې روانو حالاتو ته لاس تر زنې کېني، نو ځکه یې د ملي اردو لیکو ته رادانګلي دي.
دوی ته سپارښتنه دا ده چې په چارو کې شفافیت رامنځته کړي، خپل مليتوب وساتي او په ریښتینې توګه یووالي ته کار وکړي، خپلې عقېدې، خاورې او خلکو ته خدمت وکړي.
دوی ته ۱۲ اوونۍ په بېلا بېلو برخو کې زده کړې ورکړل شوي.
