تېره ورځ د افغان ځواکونو بېړنۍ ناستې وکړې چې د خلکو نیوکې یې را پورته کړي.
د چهارشنبې په ورځ د دوه چورلکو بیړنۍ ناستې او لویدنې انديښنې راپورته کړي چې الوتکې له اډ جوړې نه دي او هر کله یې د لویدو امکان شته.
د چهارشنبې په ورځ د افغان ځواکونو دوې چورلکې یوه په فراه ولایت کې ولویده او بلې یې په ګردیز کې بیړنۍ ناسته وکړه چې دوه کسان پکې ووژل شول او اوه نور ټپیان شول.
د ولسي جرګې دفاعي کمیسیون مني چې د افغان ځواکونو چورلکې تخنیکي مشکل لري چې د هیواد په بیلابیلو ولایتونو کي د سقوط لامل کیږي.
د ملي دفاع وزارت روح الله احمدزی د افغان ځواکونو چورلکو د سقوط یوازینۍ لامل د هوا خربوالی ګنې او ډاډه دي چې چورلکې یې زړې نه بلکې په عصري ټکنالوجۍ سمبال دي.
افغان پوځ د هوایي ځواک له اړخه پر ځان بسیا نه دی، کمې چورلکې لري چې هم ترې د ترانسپورت، هم د اکمالاتو او هم د بریدونو لپاره کار اخلي، خو د دې چورلکو زیات کار د ټپيانو انتقال دی چې بیړنۍ حالت ولري.
اوس چې مرسته شوې چورلکې بیړنۍ ناسته یا سقوط کوي، هوايي ځواک د لا ډير مشکل سره مخ کوي.
