د پوهنې وزارت سرپرست وړمه ورځ ویلي ول،چې د لرو پرتو سیمو خلک خپلې لوڼې د کلتوري ستونزو له امله نه غواړي،ښوونځیو ته ولېږي،چې دغه څرګندونې پر کوردننه او بهر پراخ غبرګونونه له ځانه سره لري.
د افغان نجونو،ښځو او بشر حقونو لپاره د امریکا ځانګړې استازې رینا امیري غوښتي،چې د نجونو او افغان ښځو پر وړاندې باید محدودیتونه نور لرې شي.
هغې زیاته کړې:« د دغې ظالمانه او ویجاړونکې پالیسۍ لپاره نه کلتوري، نه مذهبي او نه هم منطقي توجیه شته دی. دا یو بدبینانه سیاست دی،چې یوازې افغان نجونې ناهیلې کوي او افغانستان بې وزلۍ او ناامېدۍ لور ته وړي.»
د یوناما مرستیال او پخواني ولسمشر حامد کرزي هم د افغان ښځو پر وړاندې د محدودیتونو د لرې کولو غوښتنه کړې ده.
