د پکتیا په یو شمیر ولسوالیو کې د پاکستاني استخباراتو تازه لاسوهنه .
د پکتیا والي شمیم کټوازی وایي، پاکستاني استخبارات پر ډیورنډ کرښه پرتو ولسوالیو کې قومي شخړو ته لمن وهي او غواړي له دې لارې قومي یووالی او جوړښتونه زیانمن کړي .
د پکتیا والي همدا راز وایي ، چې امنیتي او کشفي ادارې له ولسونو سره په ګډه د پاکستاني استخباراتو د دا ډول لاسوهنې د مخنیوي هڅه کوي او اجازه به ورنه کړل شي چې پکتیا کې قومي جوړښتونه زیانمن کړي .
د پکتیا پټان ولسوالۍ کې والي شمیم کټوازي له قومي مشرانو وغوښتل چې د پاکستاني استخباراتو د تازه لاسوهنو د مخنیوي په برخه کې مرسته وکړي .
شمیم کټوازی وایي ، چې پاکستاني استخبارات پر ډیورنډ کرښه پرتو ولسوالیو کې قومي شخړو او جنجالونو ته لمن وهي او له دې لارې غواړي چې د سیمې امنیت او قومي جوړښتونه زیانمن کړي .
د پکتیا والي وایي ، چې امنیتي او کشفي ادارې له ولسونو سره په ګډه د پاکستاني استخباراتو د دا ډول لاسوهنې د مخنیوي هڅه کوي او اجازه به ورنه کړل شي چې د سیمو امنیت زیانمن او قومي جوړښتونه له منځه یوسي .
د پکتیا په یو شمیر ولسوالیو کې ډیری وخت د ځمکې پر سر د کلیو ، قبیلو او قومونو تر منځ وسله والې شخړې رامنځته کیږي چې مرګ ژوبله هم لري .
دلته د حکومت پریکړې په سختۍ عملي کیږي او ډیری وخت ولایتي اداره غوره ګڼي چې د دا ډول ستونزو د هواري په موخې په رسمي ډول جرګې وټاکي .
