Skip to content
د افغانستان اسلامي امارت د ټرانسپورټ او هوايي چلن وزارت وايي،د کابل نړیوال هوايي ډګر له لارې د نغدو پیسو او طلا قاچاق ډېر راکم شوی او د مخدره توکو قاچاق صفر ته راښکته شوی دی
اخواد کابل هوايي ډګر امنیتي چارواکي هم وايي، د طلا او نغدو پیسو قاچاق ډېر راکم شوی او د مخدره توکو قاچاق له صفر سره برابر شوی دی.
د ټرانسپورټ او هوايي چلن وزارت او د کابل هوايي ډګر مسوولین وايي، نورو هېوادونو ته الوتنې نورمال شوي او هره ورځ له دې هوايي ډګره ۲۲ الوتنې کیږي.
په هوايي ډګر کې مخدره توکو د قاچاق راټیتیدو خبره وروسته له هغې کیږي،چې د اسلامي امارت امیرالمؤمنین ملا هبت الله اخوندزاده د نشه يي توکو پر کښت،سوداګرۍ،لیږد او پېر او پلور بندیز ولګاوه.
له دغه فرمان وروسته د نشه يي توکو پر وړاندې د امنیتي چارواکو عملیات هم زیات او چټک شوي دي.
