د ولسمشر غني او عبدالله ترمنځ د جوړ جاړي هوکړه به یوه ورځ وروسته لاسلیک شي.
ټاکل شوې د ولسمشر غني او عبدالله ترمنځ د راتلونکې دوشنبې په ورځ د همه شموله حکومت طرحه لاسلیک شي.
د عبدالرشید دوستم ویاند احسان نیرو وایي، طرحه به د نړیوالو استازو په حضور کې لاسلیک شي.
نیرو زیاتوي چې د جنرال عبدالرشید دوستم د مارشالۍ رتبې پر سره ستونزه هم هواره شوې او کابل ته به راشي.
د عبدالله عبدالله ویاند امید میثم بیا وايي٬ مذاکرات جریان لري او پایلې یې مثبتې دي.
ولسمشر غني ته نیږدې کسان هم مني چې په همه شموله حکومت هوکړه شوې خو یوازې د عبدالرشید دوستم په مارشالۍ خبرې روانې دي.
د ټاکنو د پایلو له اعلان وروسته د ولسمشر غني او عبدالله عبدالله ترمنځ جنجالونه روان دي، خو اوس تازه تایید شوه چې د همه شموله حکومت طرحه منل شوې ده او ممکن تر راتلونکې دوشنبې ورځې اعلان شي.
