د ټاکنیزو شکایتونو کمیسیون د ولسمشریزو ټاکنو زماني مهالویش په تړاو اندېښنه لري.
د ولسمشریزو ټاکنو د زماني مهالویش د عملي پروسې له پیلېدو وړاندې له نقض سره مخ دی.
د ټاکنیزو شکایتونو کمېسیون وايي، هر څومره چې د پارلماني ټاکنو لومړنۍ پایلې ځنډېږي، همدومره یې شکایتونه ناوخته څېړل کېږي، چې په ولسمشریزو ټاکنو نیغ اغېز لري.
که څه هم ټاکنو کمېسیون د روانې اوونۍ تر پایه د ټولو ولایتونو د لومړنیو پایلو د اعلان خبر ورکوي، خو په ټاکنو د څار بنسټونه باور لري چې تاکنیز کمېسیونونه مصروف دي او بله نا اصلاح ټاکنیزه پروسه به پیل کړي.
ټاکل شوې د یکشنبې په شپه د هلمند، کندز، هرات او کندهار ولایتونو د ولسي جرګې د ټاکنو لومړنۍ پایلې اعلان شي.
د ولسمشریزو ټاکنو لپاره تصویب شوی زماني مهالویش د ټاکنیېزې پروسې له پیلېدو وړاندې له نقض سره مخ دی.
د پارلماني ټاکنو د زماني مهالویش مطابق، لومړنۍ پایلې باید یوه میاشت وړاندې اعلان شوې خو د ولسمشریزو ټاکنو په زماني مهالویش کې د وروستیو پایلو اعلان ته د جدې ۲۳ نېټه ټاکل شوې. اوس چې د قوس ۲۵ نېټه ده لا هم د یو شمېر ولایتونو لومړنۍ پایلې ندي اعلان شوي.
اوس چې ټاکنو کمېسیون په تدریجي توګه د پارلماني ټاکنو لومړنۍ پایلې اعلانوي، باور لري چې له تېر به یې زده کړي او د ولسمشریزو ټاکنو زماني مهالویش به زیانمن نه شي، خو شکایتونو کمېسیون د زماني مهالویش په تړاو اندېښنه لري.
اوس چې دواړه ټاکنیز کمېسیونونه په پارلماني ټاکنیزه پروسه کې مصروف دي، په ټاکنو د څار بنسټونه باور لري چې کار به یې دروند شي او د ولسمشریزو ټاکنو په عملیاتي پروسه کې به له ستونزو سره مخ وي.
د ولسمشریزو ټاکنو د مهالویش مطابق په پام کې ده چې د راتلونکې اوونۍ د جدي په لومړۍ نېټه د ولسمشریزو ټاکنو لپاره د نوماندانو د نوم لیکنې پروسه پیل شي، او له هغې وروسته د جدي په ۱۸ نېټه د نوماندانو لومړنی لیست اعلانېږي.
اوس اندېښنه دا ده چې ټاکنیز کمېسیونونه د پآرلماني ټاکنو پروسه کې لا هم ښکېل دي چې د ولسمشره ټاکنو پروسه به نا اصلاح پیل شي.
