د ټاکنو کمیسیون یو شمیر کمشنرانو منلي، چې د ټاکنو لومړنۍ پاېلې به له ټاکلې نیټې وځنډېږي.
د ټاکنو کمېسیون باوري سرچېنې وايي، دوی په کارونو کې شاته پاتې دي نو له همدې امله لومړنۍ پایلې په وخت نشي اعلانولی.
د ټاکنو کمېسیون د نن ورځې تر نیمايي پورې لږ تر لږه ۹۵ سلنه بایو مټریک رايي سیستم ته داخلې کړي چې له دې په کارونو کې د زیات پرمختګ خبره شوې.
تېره ورځ باور دا و چې د شپې تر ناوخته به ټولې بایو مټریک رايي سیستم ته داخلې شي هغه چې ونه شوې او نن ورځ هم همدا خبره بیا تکرار شوه.
د ټاکنو کمېسیون ټولو غړي مني چې کارونه یې د ځینو ستونزو له امله له اصلي مهالویش نه شاته پاتي دي.
ټاکنو کمېسیون کې د لومړي لاس سرچېنې شمشاد ته منلې چې ټاکنې به له ټاکل شوې نیټې وځنډیږي خو وخت یې نه دی په ډاګه کړی.
اوس چې د ټاکنو پایلې ځنډیدلي اصلي لاملونه یې د نوماندانو له خوا له لومړي سره د ناظرینو نه حاضریدل او د کمزوري انټرنټ ستونزه وه چې عمومي سرور ته یې د ډیټا په انتقال کې ځنډ راوست.
لومړنۍ پایلې د مهالویش له مخې د میزان په ۲۷ درې ورځې وروسته اعلان دې خو داسې ښکاري چې دا خنډ او ځنډ به د ورستیو پایلو اعلان هم له ټاکلې نیټې شاته وغورځوي.
