د هېواد په سوېلي ولایتونو کې توپاني بادونو خلکو ته مالي زیانونه اړولي 

د کندهار ولایت په ګډون هلمند او اروزګان ولایتونو کې له تېرو درې ورځو راهېسې سخت توپاني بادونه لګېږي، چې له ځان سره دوړې او خاورې هم لري.

ویل کېږي،چې د دغو توپانونو له امله یو شمېر بزګرو او نورو عامو وګړو ته مالي زیانونه هم اوښتي دي.

د یادو سیمو اوسېدونکي وایي،د شدیدو توپانونو او سختو دوړو له امله یې د سولري برېښنا تختې راغورځیدلي او کښتونه یې هم زیانمن شوي دي. 

په ورته مهال بیا د هېواد د هوا پېژندنې ملي ادارې په یو شمېر ولایتونو کې د سختو ورښتونو او سېلابونو راوتلو  وړاندووینه کړې ده.