د نیوزیلنډ لومړۍ وزیره: پولې به مو د کال تر پایه تړلي وي

د نوي زیلانډ لومړۍ وزیره جسینډا ارډرین وايي، د کورونا وبا له امله خپلې پولې به د روان ۲۰۲۰ کال ترپایه پورې تړلي وي. 

جسینډا وايي، دا کار ځکه کوي،ترڅو د روغتیايي متخصصیونو لارښوونې عملي کړي. 

هغې زیاته کړه،پولې به تر هغې خلاصې نه کړي، ترڅو د واکسین لګولو لړۍ یې نه وي بشپړه شوې. 

حکومت،چې کورونا وبا يې له وړاندې په بشپړه توګه کنټرول کړې، بيا هم په احتياطي توګه خپلې پولې تړلي ساتي. 

د مالوماتو له مخې،تر په دغه هېواد کې تر اوسه پورې نږدې ۳ زره کسان پر کورونا وبا اخته شوي او ۲۶  کسان ترې مړه شوي دي.