د نوماندانو د اسنادو څېړلو لپاره ټاکنو کمیسیون ځانګړې کمېټه جوړه کړې.
ټاکنو کمېسیون ولسمشریزو ټاکنو د نوماندانو د اسنادو د څېړنې لپاره ځانګړې کمېټه جوړه کړې او ممکن ځینې نوماندان له لومړني لیست ووځي.
ټاکنو کمېسیون وايي، د نوماندانو د اسنادو د څېړنې لپاره قانوني مواردو ته ترجیح ورکوي، خو دغه پروسه کې داسې پېچلتیاوې شته چې قانون کې یې وضاحت نشته.
سیاسیون په ټاکنیزه پروسه کې پر کمېسیون له فشارونو اندېښنه لري، هغه څه چې کمېسیون یې هم مني او تسلمیږي نه.
ولسمشریزو ټاکنو ته د ۱۸ نوماندانو اسناد به لومړی د کمېسیون دننه ځانګړې کمېټه څېړي او له هغې وروسته به کمېسیون پرېکړه کوي چې کوم کسان په لومړني لیست کې راشي.
د ټاکنو کمېسیون کمېشنر سید حفیظ الله هاشمي ځینې هغه موارد بیانوي چې په اساس به یې نوماندان لومړني لیست ته لاره پیدا کړي، او هغه چې یوه برخه یې هم پوره نه کړي، په لومړني لیست کې به نه راځي.
د جمعیت ګوند له نهو کلیدي غړو شپږ یې د ټاکنیزو ټکټونو برخه دي، او له دې سره د اجراییه رییس د استعفا په تړاو هم قانون کې وضاحت نشته، دا هغه څه دي چې هم پروسه پېچلې کوي او هم اختلافات رامنځته کوي.
ټاکنو کمېسیون د نهه ولایتونو د پارلماني ټاکنو وروستۍ پایلې اعلان کړې، د دریو نورو هم شکایتونو کمېسیون ورته سپارلې، خو د ټاکنو کمېسیون کمېشنر سید حفیظ الله هاشمي له شکایتونو کمېسیون غواړي چې د نورو ولایتونو کارونه هم ژر خلاص کړي چې د ولسمشریزو ټاکنو پروسې اغېزمنه نه کړي.
د ولسمشریزو ټاکنو لپاره نه هم تر اوسه د بودیجې او امنیت بحثونه وروستي شوي، او نه هم ټاکنو کمېسیون د ولسمشریزو ټاکنو لپآره اصلاحاتي بسته وړاندې کړې. بل خوا په ټاکنو کمېسیون کې د اصلاحاتو ګنګوسې هم شته، هغه څه چې ټاکنې وروسته کولای شي.
