د اسلامي امارت چارواکي وايي، د ننکرهار شېرزادو ولسوالۍ مرکي خېلو سيمه کې د شوکاڼي کان رسمي قرار داد وشو او په قانوني ډول یې کېندنې پيل شوې.
چارواکي وایې، له یوې خوا به یې عواید ډېر او له بلې خوا به ګڼ شمېر خلکو ته د کار زمینه برابره شي.
اخوا اقتصادي شنونکي بیا اندېښنه لري،چې د شوکاڼي کان قرار داد باید له هغو شرکتونو سره شوی وی،چي د اېستلو او د پروسس وړتیا ولري.
دوی ايي،کورني شرکتونه چي د شوکاڼي کان قرار داد یې تر لاسه کړی،په ښه ډول د شوکاڼې د اېستلو پروسه ترسره کړي.
د اقتصادي چارو شنونکی جمعه ګل خپلواک وايي:« د شوکاڼي قرار داد باید له متخصص شرکتونو سره وشي،ځکه تر ډېره اندیښنه ده،چې په دې برخه کي به شرکت وکړای شي، کار وکړي باید هرڅه د یوه میکانیزم پر اساس مخکي ولاړشي.»
یو شمېر د شوکاڼي زیانونو ته هم په انديښنه کي دي،چي ګتې به یې نور هېوادونه تر لاسه کړي،ځکه په افغانستان کې یې د پروسس امکانات تر ډېره شتون نه لري.
د اقتصادي چارو شنونکی محمدنبي افغان وايي:« زیانونه دا دي،چي دلته یې په هېواد کې د پروسس په ډول نه کېږي او ګټي یې نورو هېوادونه ته ځي»
د شوکاڼي کان په کېندنه کي به شااوخوا څلوېشت زره کسانو ته د کار زمینه برابره شي او هره میاشت به په میلیونونه افغانۍ اسلامي امارت ترلاسه کړي.
