د ملګرو ملتونو کارپوهانو په یوه ګډه خبري غونډه کې ویلي، د امریکا متحده ایالتو لا هم د افغانستان بانک میلیاردونه ډالر شتمني کنګل کړې، په داسې حال کې چې په افغانستان کې میلیونونه وګړي له لوږې سره مخ دي.
دوی وایي د امریکا متحده ایالتو بندیزونو د خیریه بنسټونو پر همکاریو او همدا راز د افغانستان د خلکو پر ژوند ناوړه اغېز کړی او د بشري ناورین یې رامنځته کړی دی.
د دوی په خبره، د ملګرو ملتونو امنیت شورا خیریه بنسټونه او مرستندویه موسسې له بندیزونو معاف کړي دي،خو تر اوسه پورې یې مثبت اغېز نه دی کړی، ځکه دغه بنسټونه او مرستندویه هېوادونه لا هم له دې پرېکړې ډاډه نه دي.
د ملګرو ملتونو کاروپوهانو د امریکا پر متحده ایالتو او نړۍ غږ کړی دی،چې د افغانستان پر وړاندې واضح دریځ ولري،ترڅو نړیوال مرستندویه بنسټونه د خلکو د ژوند ژغورلو لپاره په ډاډه زړه کار وکړي.
