د سیاسي چارو یوشمېرکارپوهان وایي، بندیزونو بیه عام ولس ورکوي او که چېرته ملګري ملتونه غواړي،پر اسلامي امارت باندې بندزونه ولګوي، ښه ده،چې خپلو مرستو لپاره شرطونه کېږدي.
د سیاسي چارو کارپوهه وايي:« ملګري ملتونه که چېرته غواړي، له افغانانو سره خپلو مرستو ته دوام ورکړي،پر چارواکو باندې او یا په ځینو اشخاصو باندې د بندیزونو لګول د حل لار نه ده. دوی کولای شي،په خپلو مرستو باندې ځینې شرطونه ولګوي،چې له دې لارې پرې فشار وارد کړي،نه د بندیزونو. دا د افغانستان له خلکو سره مرسته نه کوي.»
ځینې نور بیا ټېنګار کوي،چې اسلامي امارت باید له نړیوالو سره مشترکه ژبه پیدا کړي او ترڅنګ یې هغه غوښتنې،چې نړۍ بهانه ګرځولي او د افغانانو اساسي غوښتنې هم دي، باید ورته پام وکړي،ترڅو د باثباته او پرمختللي افغانستان په تړاو چټک ګام واخېستل شي.
د سیاسي چارو کارپوه قریب الرحمن شهاب وايي:«هغه څوک،چې د افغانستان واک چلوي حد اقل نړۍ سره باید راشه درشه اسانتیا ولري، کوم محدودیت موجود نه وي،په دې اساس باید د محدودیتونو مسله ختمه شي او ترڅنګ یې طالبان هغه غوښتنې،چې نړۍ بهانه ګرځولي او د افغانانو اساسي غوښتنې هم دي،باید ورته پام وکړي،ترڅو د باثباته او پرمختللي افغانستان چټک ګام واخیستل شي.»
اسلامي امارت بار بار ویلي دي،چې له نړیوالو سره تعامل غواړي،خو د افغانستان د ملي او اسلامي ګټو د تېرېدو په بیه نه،خو له تیر یوه کال راپه دې خوا په افغانستان د نړیوالو بندیزونو بشري وضیعت خراب کړی دی.
