اخوا د سیاسي چارو یو شمېر کارپوهان په دې نظر دي،چې نړیواله ټولنه او ملګري ملتونه تر هغې اسلامي امارت په رسمیت نه پیژني،چې د هغوی شرایط نه وي پلي شوي او افغانانو سره که مرستې څومره هم زیاتې شي،خو د ویش او کارولو اختیار به یې اسلامي امارت ته ور نه کړل شي.
د سیاسي چارو یو شمېر کارپوهان طارق فرهادي وايي:« په امنیت شورا کې د خبرو ګډه موخه دا کیدای شي چې، په افغانستان کې بشر حقونه او نور مسایل چې هغوی یې وايي، عملي شي. که داسې و نه شي، د حکومت په رسمیت پیژندلو چانس صفر دی او نړیوالې مرستې زیاتیږي خو د دغو مرستو واک به حکومت ته ور نه کړل شي.»
دیبورا لاینز له تیرو څو اونیو راهیسې په کابل کې وه او د اسلامي امارت له لوړو پوړو چارواکو سره یې ناستې او خبرې اترې کړې وې.
لاینز له ګڼو افغان چارواکو سره دا ژمنه هم کړې وه،چې د افغانانو لپاره به له مرسته کوونکو هېوادونو د لا زیاتو مرستو راټولو هلې ځلې وکړي.
