د افغانستان اسلامي امارتد ملکي هوايي چلن او ترانسپورټ وزارت هغه اوازې رد کړې،چې ګواکې د هيواد رادار سيستم غیرفعاله شوی او ډېرې الوتنې له پاکستانه کنټرول کېږي.
د اید وزارت ویاند امام الدین احمدي وايي،د هېواد پر ټولو هوايي ډګرونو کې رادار سيستم د پخوا په څير فعاله او د هېواد حريم د افغانانو په کنټرول کې دی.
احمدي زیاته کړه:«د افغانستان د هوايي ډګرونو ټول رادارونه فعاله دي.په کابل هوايي ډکر کې هم رادار فعال ده او د افغانستان هوايي حريم البته د ملکې الوتنو لپاره ټول خدمات د ترانسپورټ او هوايي چلن وزرات له خوا ترسره کيږي. د دار راپورنه ردوو او دا ناسم راپورونه دي.»
احمد وايي،د افغانستان ملکي هوايي چلن د نړیوال سازمان غريتوب لري او د ياد سازمان د شرايطو پر اساس ګاونډي هېوادونه اړ دي،چې د الوتنو او د سفرونو د کنټرول په برخه کې له يو بل سره همغږي وکړي.
هغه زیاته کړه:«موږ د آی.سي.اې.او نړيوال سازمان غريتوب لرو او زموږ ګاونډي هېوادونه هم د ياد سازمان غړيتوب لري. د دې سازمان غړيتوب،چې څوک لري، نو باید د ياد سازمان شرايط پوره کړي. له شرطونو يې يو شرط دا دی،چې د ټولو ترمنځ بايد همکاري موجوده وي. کله چې له درېیم هېواده الوتکه افغانستان ته او له افغانستانه يو بل هېواد ته تيريږي.نو دا د کنوانسيون د اصولو له مخې کله چې افغانستان ته داخله شي پنځلس دقيقې مونږ ته خبر راکول کيږي او کله چې زمونږ د فضاء څخه تيريږي مونږ دريم ګړې هيواد ته خبر ورکوو چې دا متقابله همکاري ده چې د ګاونډيو هيوادونو سره يې لرو.»
د احمدي په خبره ترانسپورټ او هوايي چلن وزارت په هڅه کې دی،چې د هېواد د رادار سيستم لا غښتلی او قوي کړي او په همدې موخه يې تخنيکي برخې د قرادادونو هڅې کړندۍ کړي دي.
په وروستيو کې داسې انديښنې موجودې وې،چې د هېواد د هوايي ډګرونو رادار سيتمونه غير فعال دي او د هېواد فضايي حريم له پاکستانه کنټرول کېږي.
