د افغانستان اسلامي امارت ویاند ذبیح الله مجاهد د دې سفر موخه له پاکستاني لوري سره پر دوه اړخیزو اړیکو، سوداګرۍ او دخلکو په تګ راتګ کې د اسانتیاوو زیاتولو سربیره د پاکستاني لوري له خوا د شویو ژمنو په عمل بحثونه یادوي.
مجاهد وايي، دا ځل تر هر څه وړاندې به پر هغو موضوعاتو بحث کېږي،چي ژمنې کېږي خو نه عملي کېږي.
مجاهد زیاته کړه:« له پاکستان سره د اړیکو په موضوعاتو خبري وشي،ځکه وړاندې ژمنې شوي او عملي شوي نه دي.د دې سفر مهمه موضوع چي ولي نه عملي کوي،پاکستاني لوری بار بار ژمني کړي،خو نه یې دي عملي کړي.»
اخوا د سیاسي چارو یو شمېر تحلیل کوونکي هېوادونو ته د لوړپوړو چارواکو سفرونه مهم بولي او باوري دي،چې له سیمې سره به د افغانستان اړیکې نږدې او پراخه کړي.
د سیاسي چارو تحلیل کوونکی عبدالحی قانت وايي:« دا ډول ناستو ته د اسلامي امارت د پلاوو تګ د ښو اړیکو لپاره زمینه برابر وي او افغانستان به د انزو له حالته وباسي.»
یو شمیر نور بیا د افغانستان پر وړواندې د پاکستان په دوه مخي چلن نیوکې لري او ټینګار لري،چې افغان پلاوی دې ترې د ژمنو عملي بڼه وغواړي.
د سیاسي چارو تحلیل کوونکی محمدنبي افغان وايي:« وړاندې پاکستان له دوه مخي سیاسته کار اخېستی دی او په تیرو شلو کلونو کې حکومتونو عام خلک او تجاران د خپلو سیاسیتونو قرباني کړي دي.»
پاکستان ته دا لومړۍ ځل نه دی،چي یو لوړ پوړی افغان پلاوی سفر کوي،بلکې له دې وړاندې هم پاکستاني چارواکو افغان پلاوو سره ژمنې کړي،خو عملي کړې یې نه دي.
اسلاماباد ته په تللي پلاوي کې چې مشري یې د بهرنیو چارو چارسمبالي وزیر امیرخان متقي کوي،د سوداګرۍ او مالیې سرپرست وزیران هم په کې شامل دي.
