ناسته کې امریکا ته د متقي خبرداری دا وه،چې د افغانستان د پانګې تصرف د کابل او واشنګټن ترمنځ اړیکې نورې هم زیانمنه وي.
د بهرنیوچارو وزارت مرستیال ویاند حافظ ضیاء احمد تکل وايي:« نن سهار د ترکیې په انتالیا ښار کې د افغانستان د بهرنیوچارو وزیر مولوي امیرخان متقي د امریکا د ځانګړي استازي توماس ویسټ سره ځانګړې ناسته وکړه، د افغانستان او امریکا دواړو لوریو توافق وکړ،چې د افغانستان د مرکزي بانک درې اشاریه پنځه ملیارده ډالر،چې د امریکا د محکمې له دعوې ازاد شوي دي، په هیڅ صورت به د مرستو په توګه خیریه موسسو ته نه ورکول کېږي. افغان لوري ټینګار وکړ،چې دغه درې نیم ملیارده او پاتې درې نیم ملیارده ټولې دې ازادې او د افغانستان بانک په اختیار کې دې ورکړل شي. متقي ټینګار کړی دی،چې د افغانستان په شتمنۍ کې هر ډول تصرف به د دواړو هېوادونو ترمنځ اړیکې نورې هم زیانمنې کړي.»
د بهرنیو چارو سرپرست وزیر په یوه بله درې اړخېزه ناسته کې له امریکايي او قطري چارواکو سره هم بحث کړی دی .
په دغه ناسته کې پر سیاسي او دیپلوماتیک تعامل خبرې شوي او افغان لوري په ډاګه کړې، چې له هربل وخت اوس له افغانستان سره د سیاسي تعامل زمینه زیاته مساعده ده او دا د افغانانومشروع حق دی،چې پر رسمیت وپیژندل شي .
د افغانستان لپاره د امریکا متحده ایالتو بهرنیو چارو وزارت ځانګړي استازي توماس ویسټ ویلي، د افغانستان اقتصاد به پر خپلو پښو ودروي او په دغه برخه کې مرستو ته ژمن دي.
د بهرنیوچارو وزارت مرستیال ویاند حافظ ضیاء احمد تکل وايي:« د افغانستان لوري له بل هروخت اوس د خپل هېواد حالات له نړیوالو سره د مثبت او دیپلوماتیک تعامل لپاره مساعد وګڼل او زیاته کړه،چې د افغانستان د نوي حکومت پر رسمیت پیژندنه او د شتمنیو خلاصیدل د افغانانو مشروع حق دی او له همدې سره یې سیاسي اړیکې او اقتصاد وده کوي، د قطر د بهرنیو چارو وزیر په افغانستان کې د قطر او امریکا متحده ایالاتو په دیپلوماتیک ماموریت خبرې وکړې او دا ډول ناستې یې د طرفونو په ګټه وبللې. همدا راز د امریکا د متحده ایالاتو استازي د افغانستان په اړه د خپل هېواد په راتلوونکې پالیسي رڼا واچووله او زیاته کړه،چې موږ هڅه کوو،چې د افغانستان اقتصاد پر خپلو پښو ودریږي.»
څارونکي په دې باور دي،چې دانتالیا دغه پلفټ فارم یا ناسته چې افغانستان ته په کې د ګډون بلنه ورکړل شوې،افغانستان ترې سیاسي ګټه پورته کړه او نړیوالې رسمیت پیژندنې ته یو ګام نور هم ورنږدې شو.
له هغې وروسته، چې جمهوریت له منځه لاړ او اسلامي امارت واک ته ورسید، د افغانستان او نړۍ ترمنځ رسمي اړیکې پرې شوي دي او اسلامي امارت هڅې پیل کړي دي،چې دغه پرې شوې اړیکې بېرته سره ونښلوي.
