ډنډکی د لویې پکتیا مشهور خواړه دي ،چې سلګونه کاله مخېنه لري او خلک یې اوس هم کورونو او همدا راز د میلمنو لپاره پخوي.
ډنډه کی غټو وریجو ، ښورا او یا کورنیو غوړو سره چمتو کیږي ،چې د نورو خوړو په پرتله یې مصرف کم او خوند زیات دی.
د پکتیا یو تن اوسېدونکی سخي جان وايي:« ډنډه کی شااوخوا دری سوه کاله تاریخ لري،چې پکتیا کې یې خوړل رواج یا دود دی. وړاندې به د دودونو او خیراتونو مراسمو کې هم پخیده،خو اوس دا رواج بدل شوی دی.»
ډنډه کی کورونو کې او همدا راز د ځانګړو میلمنو لپاره چمتو کیږي او د نورو خوراکونو په پرتله یې مصرف کم او خوند زیات دی .
د پکتیا یو تن اوسېدونکی ملا خان وايي:« دا موږ ته له پلار نیکه څخه را پاتې رواج او خواړه دي. کله چې موږ ته ډېر نازولي میلمانه راشي، بیا ورته همدا ډنډه کی تیارو. له ډېر پخوا دا رواج روان دی او تر اوسه پورې نه دی کم شوی.»
د پکتیا اوسېدونکي وايي، د ژمي په سړه هوا کې د دوستانو او ملګرو د بانډارونو د خواړو لومړنی فرمایش هم ډنډه کی وي .
د پکتیا یو تن اوسېدونکی وايي:« موږ چې کله ملګري د بانډار لپاره را ټولیږو، بیا لومړنی فرمایش همدا ډنډ ه کی وي.چې تیاروو. بغیر له دې بانډار خوندور نه وي. دا مو د پلرونو او نیکو رواج دی.»
