سرچینې وايي چې لغمان ولایت ته تازه دمي افغان ځواکونه رسېدلي او د الیشنګ او الینګار ولسوالیو په دوو استقامتونو کې یې د وسله والو طالبانو خلاف عملیات پیل کړي دي.
د سرچینو په خبره، په تازه دمو سرتېرو کې کمانډو، ځانګړي قطعات او هوايي ځواکونه هم شامل دي.
له بل لوري بیا د سیمې خلک وايي چې نن سهار شاوخوا نهه بجې د الینګار ولسوالۍ د میدانۍ کلا او ګټل دوه امنیتي پوستو هم سقوط کړی دی.
دا په داسې حال کې ده چې تېره ورځ لوی درستیز او د ملي دفاع وزارت سرپرست، ستر جنرال یاسین ضیا هم د امنیتي وضعیت د ارزونې په موخه لغمان ولایت ته تللی و.
