تادین خان د کندهار پولیسو ته امر کړی چې پر طالبانو نور رحم ونه کړي.
د کندهار امنیه قوماندان خپلو سرتېرو ته، امر کړی، چې د طالبانو پر وړاندې دې نور له هېڅ رحم څخه کار نه اخلي.
هغه دغه څرګندوندې وروسته له هغه کړي، چې طالبانو د یوې اعلامیې په خپرولو سره د ولسمشر له لورې د اوربند وړاندیز رد کړ.
هغه خپلو سرتېرو ته خبر ورکړی، چې طالبان د حوصلې او زغم نه دي او پر وړاندې یې هیڅ رحم ونه کړئ.
د کندهار امنیه قوماندان په خپلو تازه څرګندونو کې ویلي، چې وسله وال طالبان ښکاره خپله ډله قوي بولي، خو په اصل کې له ماتې سره مخ دي.
تورنجنرال تادین خان دا څرګندونې د وسله والو طالبانو د هغې اعلامیې وروسته کړي، چې په روژه کې يې د اوربند پر ځای د خپلو بریدونو د زیاتوالي خبر ورکړی دی.
د کندهار امنیه قوماندان تورنجنرال تادین خان وايي، چې په شپږو ولسواليو کې يې د پولیسو او ځانګړو قطعاتو له لوري عملیات پیل کړي دي.
د کندهار امنیه قوماندان وايي، چې وسله والو طالبانو د پسرلنيو عملیاتو له اعلان وروسته د کندهار د ناامنه کولو لپاره زیات زور ورکړی، خو په وینا يې، هغوی په دغو هڅو کې ناکامه شوي دي.
د کندهار امنیه قوماندان دا څرګندونې په داسي مهال کوي، چې طالبانو د یوې اعلامیې په خبرولو سره د سولې په اړه په مشورتي لویه جرګه کې د ولسمشر له لورې د اوربند وړاندیز رد کړ.
طالبانو په دغه اعلامیه کې د روژې په میاشت کې هم د سختې جګړې ګواښ کړی دی.
