پر اوربند د طالبانو تر منځ خپل منځي خبرې روانې دي .
د سولې لپاره تر ټوله مهمه موضوع اوغوښتنه اوربند دی، چې سلا مشورې پرې رواندې دي .
د سلا مشورو لپاره د قطر خبرې د لنډ مهال لپاره دریدلې دي .
یوه باوري سرچینه وايي د قطر دفتر یو پلاوی د اوربند لپاره د سلا مشورو په موخه پاکستان ته تللی دی.
سرچینې داسې ویلي (( مولوي شهاب الدین د دې پلاوي مشري کوي، چې مولوي عبدالسلام حنفي او شیخ سید رسول په کې شامل دي، دوی به له نورو طالب مشرانو سره د اوربند په تړاو سلامشورې وکړي، چې په پيښور او کویټه کې به له خپلو ملګرو سره ناستې ولري.))
د طالبانو د قطر دفتر ویاند سهیل شاهین د پاکستان د سفر په تړاو څه نه وايي، خو د قطر د خبرو د جریان په اړه د سلا مشورو خبره کوي .
سهیل شاهین داسې وویل (( یوازې دا وایم چې په خبرو کې لنډه وقفه راغلې او مونږ له خپلو مشرانو سره عمومي مشورې کوو.))
دسولې د خبرو د لا پرمختګ لپاره د لس ورځني اوربند خبره مطرح ده، په داسې حال کې چې حکومتي سرچینې د طالبانو د سیاسي او نظامي مشرانو تر منځ دا خبره د اختلاف ټکی بولي .
