Skip to content
په کابل کې نن چهارشنبه د « ۱۴۰۰ کال د زمري پر ۲۰مه » د سولې امنین جرګې ټولنې « له پوهنتونه سنګر مه جوړوئ» تر عنوان لاندې ناسته جوړې کړې.
د ناستې ګډونوالو پر حکومت او طالبانو دواړو نېوکې وکړې،چې د جګړې پرمهال د عامو خلکو ژوند ته پام نه کوي.
د دغې ټولنې بله نیوکه دا وه،چې هلمند کې له بُست پوهنتون نه د سنګر استفاده کېږي او طالبانو عامه تاسیسات پر نښه کړي.
د سولې امنین جرګې ټولنې مشر عبدالبصیر مجددي وايي:« ټول شیان له نابودۍ سره مخ دي.د جګړې ښکیل لوري او په ځانګړې توګه افغان ځواکونو د هلمند بست خصوصي پوهنتون د سنګر په توګه نیولی دی.»
د هلمند امنیتي مسوولین د بُست پوهنتون په تړاو څه نه دي ویلي.
دغې ټولنې روانه جګړه کې د ملکي وګړو پرمرګ ژوبلې اندېښنه وښوده او له نړیوالې ټولنې یې غوښتنه وکړه،چې روان وضعیت دې کنټرول کړي.
د سولې امنین جرګې ټولنې غړی سید مهدي حسیني وايي:« ملګري ملتونه باید اوسنی وضعیت کنټرول کړي.د بشر حقونو پر کمېسیون له دې امله نیوکې کوو،کومې کړنې چې باید د هلمند په برخه کې ترسره کړي یا کړې وای، نه یي دي ترسره کړي.»
شااوخوا یوه میاشت کې طالب وسله والو د ګڼو والسوالیو تر څنګ د لس ولایتونو ښارونه سقوط کړي دي،چې له امله یې سلګونه ملکي وګړو ته مرګ ژوبله اوښتې او ۶۰ زره کورنۍ خپلو سیمو پرېښودو ته اړې شوې دي.
