د سورصلیب نړیواله کمېټه: بشر دوستانه سازمانونه له افغانانو سره مرسته کې پاتې راغلي

د سره صلیب نړیوالې کمېټې یوه خبرپاڼه کې ویلي،له ټولو هلو ځلو سربېره هم بشري سازمانونه په دې نه دي توانیدلي،چې د افغانانو اړتیاوو ته ځواب ووايي.

خبرپاڼه زیاتوي،چې دوی په افغانستان کې له روان وضعیت ډېر اندیښمن دي.

خبرپاڼه کې وړاندې ویل شوي،که د نړیوالې ټولنې مرستې نه اوسي، میلیونونه افغان ماشومان، نارینه او ښځې به له سختو ګواښونو سره مخ شي.

دغه راز خبرپاڼه کې ویل شوي،چې د افغانستان له نیمايي زیات وګړي بېړنیو بشري مرستو ته اړ دي.

دا په داسې حال کې ده،چې له دې وړاندې نورو سازمانونو هم د افغانانو بشري وضعیت ډېر د اندیښنې وړ بللی دی.