Skip to content
د روغتیا نړیوال سازمان مشر ټیډروس ادانوم په یوه خبري کنفرانس کې وویل،
د کورونا کومې پیښې چې اوس مهال د زیاتیدو په حال کې دي، ښکاري چې دغه پیښې به څو چنده نورې هم لوړې شي.
ادانوم د دغو پیښو د زیاتیدو بېلګه د سونامي توپان مثال ورکړی او وايي، پیښې به ډيرې زیاتې شي.
په ګڼو اروپايي هیوادونو کې د کورونا وبا پېښې یو ځل بیا زیاتې شوي او خلک یې دې ته اړ کړي،چې محدودیتونو ته غاړه کېږدي.
بریټانیا، فرانسه او جرمني د هغو هېوادونو له ډلې دي،چې ډېرې پیښې په کې ثبت شوې دي.
اخوا د کرونا ویروس نوې بڼه اومېکرون هم په ټولې نړۍ کې په چټکۍ سره د خپریدو په حال کې ده او د سنګاپور په څېر هېوادونو کې یې له امله پر سفرونو بندیزونه هم لګیدلي.
