د ملګرو ملتونو د خوړو نړیوال پروګرام اجرائيه مشرر ډيویډ بیسلي یو ځل بیا په تازه مرکه کې ویلي، افغانستان کې له نیمايي زیات وګړي له لوږې او بې وزلۍ سره مخ دي. بېسلي ویلي،له شلو کلونو راهیسې افغانستان په جګړه کې دی او پایله یې دا ده،چې اوس مهال کابو ۲۳ میلیونه کسان لومړنیو خوراکي توکو ته لاسرسی نه لري.
بیسلي زیاته کړې:«افغانستان له اوږدې مودې راهیسې د سختو بیوزلو هیوادونو له ډلې و. افغانستان کې شل کلنې جګړې هرڅه دې حالت ته را رسولي اوس چې کوم وضعیت دی هغه ته فاجعه ویلی شو. ځکه هغه شمیر کسان چې د لوږې په درشل کې دي، ۲۳ میلیونه وګړي دي.»
بیسلي هم منلې،چې د نړیوالو لخوا افغانستان سره بشري مرستې په اوږدمهال کې ګټورې نه دي، ځکه دغه مرستې یوازې د بېړني حالت لپاره دي.
هغه زیاتوي:« بشري مرستې اوږدمهالې حل لار نه شي کیدای، اوږدمهال حل لار دا ده،چې نړیواله ټولنه له افغانستان سره دا مرسته وکړي او داسې لارې چارې و مومي،چې د هغوی اقتصاد بېرته ورغوي. ځکه زموږ له لپاره په نړۍ کې د لوږۍ نورې مسلې هم دي او ښايي زموږ مرستې بسنه ونه کړي.»
اخوا د اقتصادي چارو یو شمېر کارپوهان پوهان بیا وايي، ترهغې چې تولیدي اقتصاد د مصرفي اقتصاد ځای ونه نیسي او افغانان خپل ناورین په خپله درک نهکړي، بشري مرستې د افغانانو ژوند نه شي بدلولی او نه به بسنه وکړي.
د اقتصادي چارو کارپوه نورالله عزیز عزیز وايي:« افغانستان له تیرو شلو کلونو راپدیخوا په زیاته پیمانه نړیوالې مرستې ترلاسه کړي،خو تر اوسه هم په دې نه دی توانیدلی،چې د دغه ډول ناورین دفاع وکړي.
