د افغانستان تکواندو لوبغاړي فرزاد منصوري نن سهار د المپیک په سیالیو کې له خپل کوریایي سیال ان کیو دان سره مخامخ شو.
کوریایي لوبغاړي ان کیو دان منصوري ته د یوه امتیاز په توپیر سره ماتې ورکړه.
فرزاد منصوري د افغانستان لپاره څو مډالونه ګټلي،چې وروستی یو یې د اسیايي لوبو د سپینو زرو د مډال ګټل وو.
له افغانستانه پنځه لوبغاړي د المپیک په سیالیو کې ګډون لري،چې يوه یې مېرمن ده.
د جولای په ۳۰ مه فهیم انوري لامبو برخه کې او کیمیا یوسفي هم په ۱۰۰ متره ځغاستې کې برخه اخلي،د جولای په ۳۱مه به شاه محمود نورزی د ځغاستې یا اتلتیک لوبو کې ګډون وکړي.
دا سیالۍ،چې د تېرې جمعې پر ورځ توکیو ښار کې پیل شوي، د اګسټ میاشتې تر ۸ مې نېټې پورې به دوام کوي.
د افغانستان المپیک ملي کمېټې د مالوماتو له مخې، په دې سیالیو کې به د افغانستان په ګډون له ۲۰۷ هېوادونو څخه ۱۱ زره ۳۰۰ لوبغاړي په بېلابیلو سیالیو کې ولوبېږي.
