کنیک وايي، نړۍ باید اوس وخت له افغانستان سره بشري مرستو ته دوام ورکړي او د مرستو په رسولو کې یې د اسانتیاوو او همکارۍ غوښتنه وکړه.
کنیک زیاتوي:« زه پر نړۍ غږ کوم،چې افغانانو ته باید مرستې ورسوي،ځکه دلته اوس زيات خلک له خراب اقتصادي وضعیت کړیږي. په کار ده،چې افغانانو ته لاس ورکړل شي او هېڅ هېواد باید د بشري مرستو برخه کې خنډ او ځنډ پېښ نه کړي.»
د ترکیې د سرې میاشتې ټولنې مشر په خبره، نړۍ که له افغانانو سره مرسته تر سره نه کړي، نو لرې نه ده،چې د کډوالۍ بدې اغېزې به ګاونډي او سیمه هم اغېزمنه کړي.
هغه زیاته کړه:« زما په نظر نړۍ که بېړه ونه کړي او په دې اړه جدي اقدامات تر سره نه کړي، نو لرې نه ده،چې افغانان به مهاجريتونو ته مخ کړي. دا ښکاره ده،چې د مهاجریتونو اغیز به ټولې نړۍ ته ورسېږي.»
د مالوماتو له مخې،د ترکيې هېواد سره مياشت افغانستان کې له اړمنو او بې وزلو سربېره له
هغو افغان کډوالو سره هم هره میاشت مرستې تر سره کوي،چې په یاد هیواد کې میشت دي.
