د آسیا زړه استانبول ناسته د افغانستان او کوربه هېواد تاجکستان د بهرنیو چارو وزارتونو د سیاسي مرستیالانو په څرګندونو پیل شوه.
د ناستې په لومړۍ ورځ ټينګار پر دې وشو چې د سولې بهیر د چټکتیا لپاره دې پر یو شمیر هېوادونو او طالبانو فشار راوړل شي څو اوربند وکړي.
د غونډې ګډون والو پر یوې ګډې اعلامیې کار وکړ چې جزیات به یې سبا سه شنبه وزیرانو سره شریک شي.
د تاجکستان بهرنیو چارو وزارت لومړي مرستیال خسرو ناظري د افغان سولې د چټکتیا غوښتنه وکړه او افغان سوله یې د ټولې سیمې لپاره مهمه وبلله.
د تاجکستان په کوربتوب دا دوه ورځنۍ ناسته کې تر ډيره تمرکز پر افغان سوله کیږي څو د سولې خبرې چټکې او سیمه ییزه اجماع پیاوړي شي.
د آسیا – زړه استانبول پروسې غونډې په لومړۍ ورځ افغان ولسمشر اشرف غني او د تاجکستان ولسمشر امام علي رحمن د دوه اړخیزه همکاریو تړونونه هم لاسلیک کړل.
ټاکل شوې چې ولسمشر اشرف غني به نن د تاجکستان دولتي پوهنتون کې وینا او سبا د اسیا زړه-استانبول پروسې غونډه کې ګډون او وینا وکړي.
